Georgian
English
19 მარტს, ქალაქ ზუგდიდში, ჩატარდა სასკოლო სპორტული ოლიმპიადა 2023-ის რეგიონალური ეტაპის თამაშები ბადმინტონში.
სენაკის მუნიციპალიტეტიდან მონაწილეობა მუნიციპალური ეტაპის გამარჯვებულმა, ნოსირის საჯარო სკოლის გოგონათა და ვაჟთა გუნდებმა მიიღეს.
საწყის ეტაპებზე ორივე გუნდმა წარმატებით იასპარეზა და შეჯიბრების ფინალში გადავიდა.
სასკოლო სპორტული ოლიმპიადა 2023-ის სამეგრელო ზემო სვანეთის ჩემპიონის ტიტული წილად ხვდა ნოსირის საჯარო სკოლის გოგონათა გუნდს. ჩემპიონებმა ზონალურ ეტაპზე თამაშის უფლებაც მოიპოვეს.
სასკოლო სპორტული ოლიმპიადა 2023-ის მეორე ადგილზე ნოსირის საჯარო სკოლის ვაჟთა გუნდი გავიდა.
მოპოვებული გამარჯვება დიდი მიღწევაა. ვულოცავთ ჩემპიონებს, მეორე ადგილზე გასულ გუნდს და წარმატებებს ვუსურვებთ.
26 მარტს კი, სასკოლო სპორტული ოლიმპიადა 2023-ის რეგიონალური ეტაპის აქტივობას ხელბურთში, სენაკის მუნიციპალიტეტი უმასპინძლებს.