მუნიციპალიტეტის მერმა, ვახტანგ გადელიამ, მოადგილეებთან ერთად, პირველადი სტრუქტურული ერთეულებისა და მუნიციპალური ა(ა)იპ-ების ხელმძღვანელებისგან მიმდინარე სამუშაოების, 2026 წლის პრიორიტეტების, დაგეგმილი ინფრასტრუქტურული, სოციალურ-ეკონომიკური და კულტურულ-საგანმანათლებლო პროექტების შესახებ დეტალური ინფორმაცია მოისმინა.

უახლოეს პერიოდში მუნიციპალიტეტის მასშტაბით, აქტიურად დაიწყება საგზაო ინფრასტრუქტურის, სანიაღვრე არხების, მრავალბინიანი საცხოვრებელი სახლების ფასადების, სპორტული ინფრასტრუქტურის მოწყობისა და რეაბილიტაციის პროცესის პირველი ეტაპი, საერთო ღირებულებით 9 715 508 ლარი.

სხდომაზე იმსჯელეს 2026 წლის ,,სოფლის მხარდჭერის პროგრამის’’ ფარგლებში დასაფინანსებელი პროექტების შერჩევის მიზნით, ადმინისტრაციულ ერთეულებში საერთო კრებების/კონსულტაციების ჩატარების შესახებ, რომელიც მიმდინარე თვეში დაიწყება. აღნიშნული პროგრამის ფარგლებში, სახელმწიფო ბიუჯეტიდან გამოყოფილი თანხები, თხუთმეტივე ადმინისტრაციულ ერთეულში, მოსახლეობისთვის სასურველი პროექტების განხორციელებას მოხმარდება.

მუნიციპალიტეტის მერმა სტრუქტურული ერთეულებისა და მუნიციპალური ორგანიზაციების ხელმძღვანელებს, სამსახურეობრივი მოვალეობის შესრულების დროს, მეტი მობილიზაციისა და პასუხისმგებლობისკენ მოუწოდა. მან ქალაქსა და ადმინისტრაციულ ერთეულებში არსებულ გამოწვევებთან და მათ ეფექტურად გადაჭრასთან დაკავშირებით, მითითებები გასცა.