მდგრადი ენერგეტიკის დღე სენაკში

მდგრადი ენერგეტიკის დღესთან დაკავშირებით, სენაკის მუნიციპალიტეტის მერიის ორგანიზებით, „მერების შეთანხმება აღმოსავლეთი“ (#CoMEast) ფარგლებში, სენაკელი ახალგაზრდები, „საქართველოს სახელმწიფო ელექტროსისტემის“ ქვესადგურს – „მენჯი 220“ ესტუმრნენ.

შემეცნებითი ტურის ფარგლებში, მოსწავლეებმა დაათვალიერეს საქართველოს ენერგომომარაგებისთვის ერთ-ერთი საკვანძო ქვესადგური, რომელიც ელექტროენერგიით ამარაგებს სენაკის, ხობის, აბაშის, მარტვილის მუნიციპალიტეტებს და ქალაქ ფოთს.

სსე-ის წარმომადგენლებმა მოსწავლეებს გააცნეს ქვესადგურის მართვის პრინციპები, მიაწოდეს ინფორმაცია მაღალი ძაბვის ქსელისა და ძალოვანი ენერგეტიკული დანადგარების ფუნქციონირების შესახებ; ასევე გაეცნენ კომპანიაში მიმდინარე მასშტაბურ პროექტებს და დანერგილ თანამედროვე ტექნოლოგიებს.

მდგრადი ენერგეტიკის დღისადმი მიძღვნილი ღონისძიებები, მოსწავლე-ახალგაზრდობისა და კულტურის ცენტრში გამართული თემატური აქტივობით დასრულდა.