Georgian
English
ადგილობრივი თვითმმართველობის განხორციელებასა და გადაწყვეტილების მიღების პროცესში ახალგაზრდების სრულფასოვანი მონაწილეობისა და ჩართულობის მიზნით, სენაკის მუნიციპალიტეტში, მუნიციპალიტეტის მერის სათათბირო ორგანო – სენაკის ახალგაზრდული მრჩეველთა საბჭო შეიქმნა.
საბჭოს წევრების შესარჩევად გამოცხადებულ კონკურსში რეგისტრაცია 34-მა ახალგაზრდამ გაიარა, მათგან, საკონკურსო კომისიის წევრებმა, გასაუბრების შედეგად, პირველ ეტაპზე, 15 კონკურსანტი შეარჩიეს.
წევრობისთვის დაწესებული კრიტერიუმები:
წევრობის კანდიდატი არის 14-29 წლის;
არის საქართველოს მოქალაქე და რეგისტრირებულია (ან ცხოვრობს) სენაკის მუნიციპალიტეტში.
საბჭოს ძირითადი ფუნქციებია:
სენაკის მუნიციპალიტეტში მცხოვრები ახალგაზდების საჭიროებებისა და ინტერესების შესწავლა და წინადადებებისა და რეკომენდაციების შემუშავება მათი უზრუნველყოფის მიზნით;
მონაწილეობა – სენაკის მუნიციპალური ახალგაზრდული პოლიტიკის შემუშავებაში, მონიტორინგსა და შეფასებაში, ასევე შესაბამისი ადვოკატირების კამპანიის წარმოება;
მუნიციპალიტეტში მცხოვრები ახალგაზრდების ინფორმირება მუნიციპალიტეტის ახალგაზრდული პოლიტიკის, პროგრამების, აქტივობების და სხვა არსებული შესაძლებებლობების შესახებ.
საბჭოს წევრების კონკურსის ჩატარება და შერჩევა მუნიციპალიტეტის მერიის განათლების, კულტურის, სპორტისა და ახალგაზრდობის სამსახურმა, ახალზრდულ საკითხებზე მომუშავე პასუხისმგებელმა პირებმა უზრუნველყვეს.