სემინარი – დასაქმებულთა შრომითი უფლებები

საქართველოს საჯარო მოსამსახურეთა პროფესიული კავშირის სენაკის მუნიციპალიტეტის პროფკავშირული ორგანიზაციის ინიციატივითა და მუნიციპალიტეტის მერიის მხარდაჭერით, მერიის სხდომათა დარბაზში, საჯარო მოხელეებისთვის სემინარი გაიმართა.

სამუშაო შეხვედრას საქართველოს საჯარო მოსამსახურეთა პროფესიული კავშირის სენაკის მუნიციპალიტეტის პროფკავშირული ორგანიზაციის თავმჯდომარე, ვერა კალანდარიშვილი უძღვებოდა.

სემინარის მონაწილეებს, საქართველოს პროფესიული კავშირების გაერთიანების იურისტმა, გაგა მელიქიძემ, მიაწოდა დეტალური ინფორმაცია საჯარო და კერძო სექტორებში შრომითი უფლებებისა და ზიანის ანაზღაურების წესების შესახებ.

საქართველოს პროფესიული კავშირების გაერთიანების შრომის დაცვისა და ტექნიკური უსაფრთხოების სპეციალისტმა, ნიკა კაკაშვილმა, შრომის უსაფრთხოების შესახებ ისაუბრა.

აღნიშნულ საკითხებზე გაიმართა დისკუსია.

სემინარში – ,,დასაქმებულთა შრომითი უფლებები“ მონაწილეობა სენაკის მუნიციპალიტეტის მერის პირველმა მოადგილემ, ბადრი ქუთელიამ, მერიისა და საკრებულოს წარმომადგენლებმა მიიღეს.