პანელური დისკუსია – სახელოვნებო განათლების რეფორმის ფარგლებში

დისკუსიას საქართველოს პარლამენტის კულტურის კომიტეტის თავმჯდომარე, იუნესკოს მშვიდობის ელჩი, მსოფლიოში აღიარებული პიანისტი, ელისო ბოლქვაძე უძღვებოდა.

დისკუსიაში მონაწილეობა მიიღეს: საქართველოს პარლამენტის წევრმა, ფოთის, ხობისა და სენაკის მაჟორიტარმა დეპუტატმა, გიორგი ხახუბიამ, საქართველოს პარლამენტის წევრებმა, ლევან მგალობლიშვილმა, ანზორ ბოლქვაძემ, კულტურის კომიტეტის წევრმა, ბაია კვიციანმა, სენაკის მუნიციპალიტეტის მერმა, ვახტანგ გადელიამ, საკრებულოს თავმჯდომარემ, საბა ოდიშარიამ, ფოთის, ჩხოროწყუს, ზუგდიდის, მესტიის ადგილობრივი თვითმმართველობების, სამეგრელოს რეგიონის მუნიციპალიტეტების სახელოვნებო და კულტურის სფეროების წარმომადგენლებმა, პედაგოგებმა.

საქართველოს პარლამენტის კულტურის კომიტეტის თავმჯდომარემ, ელისო ბოლქვაძემ, სახელოვნებო განათლებაში არსებულ გამოწვევებზე ისაუბრა და ყურადღება სახელოვნებო საგანმანათლებლო დაწესებულების სტატუსის განსაზღვრის საკითხზე გაამახვილა.

„სახელოვნებო განათლების რეფორმა კულტურის კომიტეტის ინიციატივით მზადდება და მისი იმპლემენტაცია, საქართველოს მასშტაბით, მომავალი წლიდან იგეგმება. აღნიშნული საკანონმდებლო ცვლილება კულტურის სამინისტროს ჩართულობით ხორციელდება“ – განაცხადა ელისო ბოლქვაძემ.

,,მინდა მადლობა გადავუხადო საქართველოს პარლამენტის კულტურის კომიტეტის თავმჯდომარეს, იუნესკოს მშვიდობის ელჩს, მსოფლიოში აღიარებულ პიანისტს, ქალბატონ ელისო ბოლქვაძეს და კომიტეტის წევრებს – ამ მნიშვნელოვანი ინიციატივისთვის, რაც სახელოვნებო განათლების რეფორმის მომზადებას ეხება.

სახელოვნებო განათლება ხელს უწყობს თავისუფლების, ინდივიდუალური, ესთეტიკური და შემოქმედებითი უნარების განვითარებას.

მინდა მადლიერება გამოვხატო სახელოვნებო სექტორის თითოეული თანამშრომლის, ჩვენი პედაგოგების მიმართ. მადლობა, თქვენ, დაუღალავი ღვაწლისა და ფასდაუდებელი შრომისთვის” – აღნიშნა საქართველოს პარლამენტის წევრმა, ფოთის, ხობისა და სენაკის მაჟორიტარმა დეპუტატმა, გიორგი ხახუბიამ.

,,სენაკში დიდი ტრადიციებისა და კულტურის მქონე ხელოვნების ცენტრი ფუნქციონირებს, გვყავს წარმატებული მოსწავლეები – ფესტივალების, კონკურსების გამარჯვებულები და ლაურეატები; ცენტრების მიერ დაიგეგმა და ხორციელდება არაერთი ინოვაციური პროექტი – საგუნდო, სამხატვრო, თეატრალური, მუსიკალური მიმართულებით, ხელოვნების ფესტივალები.

თუმცა, მიღწევების პარალელურად, სახელოვნებო განათლების მიმართულებით, არაერთი გამოწვევაა, რომელიც სახელოვნებო განათლების რეფორმის ფარგლებში, სასურველ შედეგზე ორიენტირდება – აღნიშნა სენაკის მუნიციპალიტეტის მერმა, ვახტანგ გადელიამ.

პანელურ დისკუსიას ესწრებოდნენ სენაკის მუნიციპალიტეტის მერის მოადგილე, ნანა ზარანდია, საკრებულოს თავმჯდომარის პირველი მოადგილე, ლევან უჩანეიშვილი, საკრებულოს სოციალურ საკითხთა კომისიის თავმჯდომარე, ინგა ქარდავა, მერიის განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი, სამეგრელოს რეგიონის სახელოვნებო სექტორის წარმომადგენლები დაესწრნენ.

პანელური დისკუსიის მიზანი – სახელოვნებო განათლების მიმართულებით, დარგის სპეციალისტების მხრიდან, გამოწვევების იდენტიფიცირებაა.