,,სოფლის მხარდაჭერის პროგრამით” ახალსოფელში 2 პროექტი განხორციელდა

სენაკის მუნიციპალიტეტის ადმინისტრაციულ ერთეულებში, ,,სოფლის მხარდაჭერის პროგრამის ფარგლებში“, მოსახლეობასთან კონსულტაციებითა და სოფლის კრებებზე მიღებული გადაწყვეტილებებით, 31 პროექტი შეირჩა, რისთვისაც სახელმწიფოსგან 738 000 ლარი და თანადაფინანსებით, ადგილობრივი ბიუჯეტიდან – 21 200 ლარი გამოიყო.

პროგრამის ფარგლებში, ახალსოფლის ადმინისტრაციული ერთეულის სოფელ ისულაში, ორ ლოკაციაზე, ჭაბურღილები მოეწყო;

ახალსოფლის ცენტრალურ გზაზე, გარეგანათების ახალი ქსელი დამონტაჟდა.

პროექტების განსახორციელებლად, ახალსოფლის ადმინისტრაციულ ერთეულში, 32 000 ლარი დაიხარჯა.

შესრულებულ სამუშაოებს, სენაკის მუნიციპალიტეტის მერი, ვახტანგ გადელია, პირველ მოადგილესთან, ბადრი ქუთელიასთან და შესაბამისი სამსახურების წარმომადგენლებთან ერთად, ადგილზე გაეცნო.

15-ვე ადმინისტრაციულ ერთეულში, ადგილობრივი მაცხოვრებლების მიერ განსაზღვრული პრიორიტეტების მიხედვით მიმდინარე სამუშაოები წლის ბოლომდე დასრულდება.

#სოფლისმხარდაჭერა2023
#სოფელიირჩევს