ახალი წლის დღეები სენაკში

ქალაქის მთავარ მოედანზე საახალწლო სოფელი მოეწყო, სადაც ადგილობრივმა მეწარმეებმა სხვადასხვა პროდუქცია და ხელნაკეთი ნივთები წარმოადგინეს.

ღონისძიების ფარგლებში, გაიმართა კოსტიუმირებული ორკესტრისა და ზღაპრების გმირების საზეიმო მსვლელობა; ჩატარდა კონცერტი – ადგილობრივი შემოქმედებითი ჯგუფების და ინდივიდუალური შემსრულებლების მონაწილეობით; მოეწყო საბავშვო სივრცეები.

დასასრულს, სენაკელების წინაშე წარდგნენ ანსამბლი ,,რუსთავი”, ჯგუფი – ,,რეზო და ბავშვები”.

შოუს თამუნა გომართელი უძღვებოდა.

საახალწლო ღონისძიებებს სენაკის მუნიციპალიტეტის მერი, ვახტანგ გადელია, საკრებულოს თავმჯდომარე, საბა ოდიშარია, მერის პირველი მოადგილე, ბადრი ქუთელია, საკრებულოს თავმჯდომარის პირველი მოადგილე, ლევან უჩანეიშვილი, მერის მოადგილე, ნანა ზარანდია, საკრებულოს წევრები, ადგილობრივი თვითმმართველობისა და საზოგადოების წარმომადგენლები დაესწრნენ.