გენო ადამია 88

საქართველოს ეროვნული გმირის, გენო ადამიას ბიუსტი ყვავილებით შეამკეს და მის ხსოვნას პატივი მიაგეს: სენაკის მუნიციპალიტეტის მერმა, ვახტანგ გადელიამ, საკრებულოს თავმჯდომარემ, საბა ოდიშარიამ, აფხაზეთიდან იძულებით გადაადგილებულ პირთა სამინისტროს სამეგრელო ზემო სვანეთის ტერიტორიული ორგანოს ხელმძღვანელმა, კოტე ბასარიამ და ადგილობრივი თვითმმართველობის წარმომადგენლებმა.

გენო ადამიამ, სოხუმის დაცემის შემდეგაც კი უარი თქვა დანებებაზე.

1993 წლის 28 სექტემბერს, ის, კოდორის ხიდთან მაშინ მოკლეს, როცა სოხუმში შესვლას ცდილობდა.

ოთხი თვის შემდეგ, მისი ნეშტი, საქართველოში გადმოასვენეს და სამხედრო პატივით, ქართულ მიწას მიაბარეს.

2020 წელს, გენო ადამიას ეროვნული გმირის წოდება მიენიჭა. ასევე, გმირის სახელობის გახდა სენაკის პირველი საჯარო სკოლა.

დიდება გმირებს!