Georgian
English
აფხაზეთის ავტონომიური რესპუბლიკის იძულებით გადაადგილებულ პირთა მინისტრი, დავით ფაცაცია, მინისტრის პირველი მოადგილე, გურამ მისაბიშვილი, სენაკის მუნიციპალიტეტის მერი, ვახტანგ გადელია, საკრებულოს თავმჯდომარე, საბა ოდიშარია, აფხაზეთიდან იძულებით გადაადგილებულ პირთა სამინისტროს სამეგრელო-ზემო სვანეთის ტერიტორიული ორგანოს ხელმძღვანელი, კოტე ბასარია, სენაკის მუნიციპალიტეტის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდნენ.
შეხვედრის მონაწილეები გაეცნენ სამინისტროს მიერ დევნილთა განსახლების ადგილებში, ადგილობრივი ხელისუფლების ჩართულობით უკვე განხორციელებულ პროგრამებსა და მიმდინარე ეტაპზე დაგეგმილ პროექტებზე.
ბინათმესაკუთრეთა ამხანაგობების წარმომადგენლებმა ისაუბრეს სამეგრელო-ზემო სვანეთის რეგიონის დევნილთა განსახლების ადგილებში არსებულ მდგომარეობასა და აქ მცხოვრები აფხაზეთიდან იძულებით გადაადგილებული პირების წინაშე მდგარ გამოწვევებზე.
,,აფხაზეთიდან დევნილ მოქალაქეებთან სისტემატური კომუნიკაცია, მათი საჭიროებების ადგილზე გაცნობა და გადაჭრის გზებზე ერთობლივი მუშაობა, ძალიან მნიშვნელოვანია ქმედითი და ეფექტური პროექტების განხორციელებისათვის. მადლობას ვუხდი სენაკის მუნიციპალიტეტის მერიას, დევნილთა, ეკომიგრანტთა და საარსებო წყაროებით უზრუნველყოფის სააგენტოს, რომლებთან აქტიური თანამშრომლობით ვახორციელებთ სხვადასხვა პროექტებს” – აღნიშნა აფხაზეთის ავტონომიური რესპუბლიკის იძულებით გადაადგილებულ პირთა მინისტრმა, დავით ფაცაციამ.