Georgian
English
ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების მუნიციპალური უწყებათაშორისი კომისიის მიერ სამოქალაქო ინიციატივის – ,,დაარღვიე სიჩუმე – შეაჩერე ძალადობა“ ფარგლებში, სენაკის მუნიციპალიტეტში, ორი პროექტი მიმდინარეობს.
შესაბამისი მოწყვლადი ჯგუფებისთვის, პროექტის – ,,არტ-თერაპია“ ფარგლებში, ბავშვთა უფლებების დაცვისა და მხარდაჭერის განყოფილების ფსიქოლოგი, ნიკა ქეცბაია ჯგუფურ შეხვედრებს მართავს.
სამიზნე აუდიტორიაა – 14 წლიდან 18 წლამდე ასაკის ახალგაზრდები. პროექტში ჩართულია 10 მოზარდი.
არტ-თერაპიის მიზანია: მონაწილეებში შინაგანი ბალანსის დარეგულირება, ,,მეს” გაძლიერება და კომუნიკაციის უნარების გაუმჯობესება.
პროექტის მიმდინარეობის პროცესს სენაკის მუნიციპალიტეტის მერიის ჯანმრთელობის დაცვის და სოციალური უზრუნველყოფის სამსახურის ბავშვთა უფლებების დაცვისა და მხარდაჭერის განყოფილების უფროსი, მზია ბიგვავა, განყოფილების სპეციალისტი, სოციალური მუშაკი – ია კიკაბიძე გაეცნენ.
უწყებათაშორისი კომისიის მეორე ინიციატივა, რომლის მხარდამჭერიც ქალთა ფონდი ,,სოხუმია”, სენაკის მუნიციპალიტეტის ჯანმრთელობისა და სოციალური დაცვის პროგრამების სხვადასხვა სამიზნე ჯგუფებისთვის გაცნობას მოიცავს. ინიციატივის ფარგლებში, შეიქმნა ბროშურა და მუნიციპალიტეტის 15-ვე ადმინისტრაციულ ერთეულში, საინფორმაციო შეხვედრები მიმდინარეობს.