საბავშვო და ბაგა-ბაღებისთვის შეძენილ იქნა სხვადასხვა ინვენტარი

დღეს, სენაკის მუნიციპალიტეტის მერი, ვახტანგ გადელია და მერის მოადგილე, ნანა ზარანდია, სკოლამდელი აღზრდის გაერთიანების დირექტორს, ალექსანდრე ჯანჯღავას და გაერთიანების წარმომადგენლებს შეხვდნენ.

მუნიციპალიტეტის მერმა, მოადგილესთან ერთად, საბავშვო და ბაგა-ბაღებს შეძენილი ნივთები და ტექნიკა გადასცა.

 ,,ჩვენი პატარების განათლება და განვითარება სწორედ ბაღიდან იწყება – ჩემი და ჩვენი სახელისუფლებლო გუნდის საქმიანობის ერთ-ერთი უმნიშვნელოვანესი პრიორიტეტი – მომავალი თაობისა და მათი აღმზრდელებისთვის სათანადო გარემოს შექმნაა“ – აღნიშნა ვახტანგ გადელიამ.

აღსანიშნავია, რომ ადგილობრივი ბიუჯეტის დაფინანსებით, სენაკის მუნიციპალიტეტის სკოლამდელი აღზრდის გაერთიანების N1, N2, N3, ნოქალაქევის საბავშვო ბაღების და N3 ბაგა-ბაღისთვის, ასევე შეძენილ იქნა ფორტეპიანოები, საერთო ღირებულებით – 9 750 ლარი.