Georgian
English
სენაკში, ყოფილი სამხედრო ქალაქის დევნილთა დასახლებაში, სენაკის საზოგადოებრივი ჯანდაცვის ცენტრი, ტრანსმისიურ დაავადებათა გადამტანი მწერების (კოღოების) გავრცელების საპრევენციო ანტიმალარიულ ღონისძიებებს ახორციელებს.
პრევენციული ღონისძიებების ფარგლებში, ჯანდაცვის მსოფლიო ორგანიზაციის მიერ რეკომენდებული ეკოლოგიურად უსაფრთხო ინსექტიციდით – ,,სოლფაკით”, მუშავდება მრავალსართულიანი საცხოვრებელი კორპუსების სარდაფები და სადარბაზოები, ასევე – წყალსატევები.
საპრევენციო ღონისძიების მიმდინარეობას, სენაკის მუნიციპალიტეტის მერი, ვახტანგ გადელია და მერის მოადგილე, ნანა ზარანდია, საზოგადოებრივი ჯანდაცვის ცენტრის დირექტორთან, ანა ჭიჭაღუასთან ერთად ეცნობიან.