სენაკს განახლებული სპორტული მოედანი შეემატა

პროექტი, ღირებულებით – 497 777 ლარი, ადგილობრივი ბიუჯეტით დაფინანსდა.

პროექტის ფარგლებში, დამონტაჟდა ხელოვნურსაფარიანი მოედანი, კალათბურთის ფარები, გარე განათების სისტემა, შემოღობვის კონსტრუქციები და სხვა.

სამეგრელო-ზემო სვანეთის სახელმწიფო რწმუნებული, გიორგი გუგუჩია, რწმუნებულის პირველ მოადგილესთან, ნინო ვიბლიანთან, სენაკის მუნიციპალიტეტის მერთან, ვახტანგ გადელიასთან, საკრებულოს სივრცითი-ტერიტორიული დაგეგმარებისა და ინფრასტრუქტურის კომისიის თავმჯდომარესთან, გიგა წურწუმიასთან, მერის პირველ მოადგილესთან, ბადრი ქუთელიასთან ერთად, შესრულებულ სამუშაოებს ადგილზე გაეცნო.

მიმდინარე წელს, სენაკის მუნიციპალიტეტს, კიდევ ორი განახლებული, კეთილმოწყობილი მინი სპორტული მოედანი შეემატა – თეკლათის ადმინისტრაციული ერთეულის სოფელ გოლასკურში და ნოქალაქევის ადმინისტრაციული ერთეულის გახომელას უბანში.

აღსანიშნავია, რომ გასულ წელს, სენაკის მუნიციპალიტეტის მერიამ, 3 მინი სპორტული მოედანი მოაწყო – ვაჩნაძის ქუჩაზე, ყოფილი მე-8 სკოლის მიმდებარედ და მშვიდობის ქუჩაზე, ახალრეაბილიტირებული მეოთხე საბავშვო ბაღის მიმდებარედ; ასევე, ტრენაჟორები დამონტაჟდა ჭავჭავაძის ქუჩაზე.