Georgian
English
სენაკის მუნიციპალიტეტის მერი, ვახტანგ გადელია, მერის მოადგილე, ნანა ზარანდია და მერიის განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი, წარმატებულ სენაკელ მოჭადრაკეს, სასპორტო გაერთიანების სასპორტო სკოლის მოსწავლეს, გიორგი ჭანტურიას და მწვრთნელ-მასწავლებელს, მერაბ ჯღამაძეს შეხვდნენ, მოჭადრაკეს მოპოვებული გამარჯვებები მიულოცეს და ევროპის ჩემპიონატზე, წარმატებები უსურვეს.
ჩვენი ქალაქის სპორტის ისტორიაში, გიორგი ჭანტურია, 15 წლამდე ასაკის ჭაბუკთა შორის, საქართველოს პირველი ჩემპიონია, რომელსაც ასევე მინიჭებული აქვს ჭადრაკში სპორტის ოსტატობის კანდიდატის წოდება.
გიორგიმ, მიმდინარე წლის მაისის თვეში, ქალაქ ბათუმში გამართულ საქართველოს 33-ე ჩემპიონატზე ჭადრაკში, 16 წლამდე ჭაბუკებს შორის, მესამე ადგილი მოიპოვა.
წარმატებული სენაკელი მოჭადრაკე, აგვისტოს თვეში, მიემგზავრება ჩეხეთში, ევროპის ჩემპიონატზე.
2 ათეული წლის შემდეგ, ჩვენი ქალაქიდან, ამ ასაკობრივ კატეგორიაში, ისტორია ისევ მეორდება.
ევროპის ჩემპიონატამდე კი, გიორგი ჭანტურია, ორ საერთაშორისო ტურნირში – ბათუმსა და ფოთში მიიღებს მონაწილეობას.
წარმატებები, გიორგის და მწვრთნელ-მასწავლებლებს: მერაბ ჯღამაძეს და ჯამბულ მახარაძეს.