Georgian
English
სენაკის მუნიციპალიტეტის მერი, ვახტანგ გადელია და საკრებულოს თავმჯდომარე, საბა ოდიშარია, ტაეკვანდოს აზიის ჩემპიონატში (ICTF) გამარჯვებულ სპორტსმენებს, სენაკელ ჩემპიონებს და მათ მწვრთნელს, საქართველოს ტაეკვანდოს ICTF ფედერაციის პრეზიდენტს, ლაშა ჯოლოგუას შეხვდნენ, მოპოვებული გამარჯვება მიულოცეს და შემდგომი წარმატებები უსურვეს.
ოქტომბრის თვეში, ქალაქ ტაშკენტში, გაიმართა აზიის ჩემპიონატი ტაეკვანდოში (ICTF), რომელშიც საქართველოს სახელით, ჩვენი მუნიციპალიტეტიდან, სამმა სპორტსმენმა მიიღო მონაწილეობა და სამივემ წარმატებულად იასპარეზა – პირველი ადგილი მოიპოვეს.
ბავშვთა ასაკობრივ კატეგორიაში ჩემპიონები გახდნენ: ლუკა სიჭინავა, იოანე გოგოლიშვილი და ნიკოლოზ გაბედავა.
,,საამაყოა, რომ ჩვენს ქალაქს კიდევ სამი ჩემპიონი ჰყავს, ამჯერად – ტაეკვანდოში. მოპოვებულ გამარჯვებას გულითადად ვულოცავ ლუკა სიჭინავას, იოანე გოგოლიშვილს, ნიკოლოზ გაბედავას და მწვრთნელს, ლაშა ჯოლოგუას. მათ შემდგომ წარმატებებს ვუსურვებ” – განაცხადა შეხვედრისას სენაკის მუნიციპალიტეტის მერმა, ვახტანგ გადელიამ.