Georgian
English
შემაჯამებელი შეხვედრით და პანელური დისკუსიით დასრულდა ახალგაზრდული ინიციატივების მხარდაჭერის პროგრამის ფარგლებში, სენაკის მუნიციპალიტეტის მერიის მიერ გამოცხადებულ საგრანტო კონკურსში გამარჯვებული, სენაკის სათემო განათლების ცენტრის პროექტი – ,,ღია კარი თბილ სახლში“.
პანელურ დისკუსიაში მონაწილეობა მიიღეს: სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის უფროსმა, გივი მისაბიშვილმა, კულტურის და ახალგაზრდობის მიმართულებით, ამავე სამსახურის სპეციალისტმა, გვანცა მალანიამ, მერის თანაშემწემ, ნიკა ქეცბაიამ, სენაკის მუნიციპალიტეტის სათემო განათლების ცენტრის ხელმძღვანელმა, ნონა ქადარიამ.
პროექტის მიზანია ახალგაზრდების ცნობიერების ამაღლება, თვითრეალიზაციის და თვითდამკვიდრების ხელშეწყობა, ჯანსაღი ცხოვრების წესის პოპულარიზაცია.
პროექტის ფარგლებში, სენაკის სათემო განათლების ცენტრმა, ნოქალაქევში მოაწყო ახალგაზრდული ბანაკი, სადაც პროექტის მონაწილე ახალგაზრდები, ორი დღის მანძილზე, სპორტულ, საგანმანათლებლო, შემეცნებით და სხვადასხვა გასართობ აქტივობებში ჩაერთნენ.
ასევე, გაიმართა შეხვედრა-დისკუსია ფსიქოლოგთან, მოეწყო კინო-ჩვენებები, ფერების ფესტივალი.
პროექტით, რომელიც სამი თვის მანძილზე გაგრძელდა, დევნილთა დასახლებაში, მენჯის ადმინისტრაციულ ერთეულსა და ქალაქში მცხოვრებმა, 100-ზე მეტმა ახალგაზრდამ ისარგებლა.