Georgian
English
გამოჩენილი ქართველი ებრაელი მწერლის, პოეტის, მთარგმნელისა და პუბლიცისტის, საქართველოს ებრაელთა მსოფლიო კონგრესის ვიცე-პრეზიდენტის, საქართველოს მწერალთა და თეატრალურ მოღვაწეთა კავშირების წევრის, სახელმწიფო პრემიის ლაურეატის, პარიზის ქართულ-ევროპული ინსტიტუტის, ილია ჭავჭავაძის სახელობისა და ივანე მაჩაბლის სახელმწიფო პრემიების ლაურეატის, ღირსების ორდენის კავალერის, სენაკის საამაყო შვილის, ჯემალ აჯიაშვილის დაბადებიდან 81-ე წლისთავისადმი მიძღვნილი ღონისძიებების კვირეული, დღეს, სენაკის სახვითი ხელოვნების გალერეაში, თემატური გამოფენით გაიხსნა.გამოფენა, ადგილობრივი თვითმმართველობისა და საზოგადოების წარმომადგენლებთნ ერთად, სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის უფროსმა, გივი მისაბიშვილმა დაათვალიერა.
კვირეული, სიმბოლურად, მწერლის დაბადების დღეს, 23 მარტს დასრულდება.
კვირეულის ფარგლებში, ხვალ,14:00 საათზე, ქალაქის საჯარო ბიბლიოთეკაში, თემატური საღამო გაიმართება.
19 მარტს, 15:00 საათზე, მოსწავლე-ახალგაზრდობისა და კულტურის ცენტრი უმასპინძლებს ჯემალ აჯიაშვილის პოეტური შემოქმედებისადმი მიძღვნილ მხატვრული კითხვის კონკურსს.
20 მარტს, 14:00 საათზე, მწერლის მშობლიურ მეორე საჯარო სკოლაში გაიხსნება ჯემალ აჯიაშვილის სახელობის კაბინეტი. ღონისძიებას ლიტერატურული კომპოზიცია დაასრულებს.
21 მარტს, 14:00 საათზე, ეროვნული გმირის, ჟიული შარტავას სახელობის მუზეუმში გაიმართება სენაკის მუნიციპალიტეტის ხელოვნების ცენტრის სამხატვრო სკოლის მოსწავლეთა ნამუშევრების გამოფენა – ,,ნახატები ებრაულ მოტივებზე”; 15:00 საათიდან – გაიმართება რეჟისორ, მიხეილ ჭიაურელის ფილმის ჩვენება, თემატური პრეზენტაციები, კომპოზიციები.
23 მარტს, 13:00 საათზე, გამოჩენილი ქართველი ებრაელი მწერლის, ჯემალ აჯიაშვილის 81-ე დაბადების დღეს, მშობლიური ქალაქი კიდევ ერთხელ მიაგებს პატივს მწერლის ხსოვნას და მისი სახელობის სკვერში, მწერლის ბარელიეფს, ყვავილებით შეამკობენ.