Georgian
English
სენაკის მუნიციპალიტეტის მერი ვახტანგ გადელია, საკრებულოს თავმჯდომარე საბა ოდიშარიასთან ერთად, საქართველოს მრავალგზის ჩემპიონის, ევროპის ორგზის პრიზიორის, მსოფლიო და ოლიმპიური თამაშების მონაწილის, სენაკელი კახაბერ ჟვანიას სახელობის ღია ტურნირის საზეიმო გახსნას დაესწრო.
ტურნირში, რომელიც კრივში სენაკის სპორტის სასახლეში იმართება, თბილისის, ქუთაისის, სენაკის, რუსთავის, ფოთის, ბათუმისა და გორის 17 წონითი კატეგორიის სპორტსმენები მონაწილეობენ.
ღია ტურნირი საქართველოს კრივის ეროვნული ფედერაციის ორგანიზებით, სენაკის მუნიციპალიტეტის მერიის და საკრებულოს მხარდაჭერით იმართება.
გახსნის ღონისძიებას საქართველოს კრივის ეროვნული ფედერაციის პრეზიდენტი ბექა ლობჟანიძე, მერის და საკრებულოს თავმჯდომარის მოადგილეები დაესწრნენ.