რეგიონული თეატრების ფესტივალის სენაკური დღეები დასრულდა

ფესტივალმა, სენაკში, ორი დღის მანძილზე, რუმინეთის თეატრ ,,ტუდორ ვიანუს”, ზუგდიდის შალვა დადიანის სახელობის, გორის გიორგი ერისთავის სახელობის, ზინაიდა კვერენჩხილაძის სახელობის პროფესიული სახელმწიფო და ლიეტუვას ტელშიაის ჟემაიტის დრამატული თეატრების დასებს უმასპინძლა.

რეგიონული თეატრების საერთაშორისო ფესტივალი საქართველოს კულტურის სამინისტროს, სენაკის მუნიციპალიტეტისა და ფოთის მერიების მხარდაჭერით იმართება.

ფესტივალს, დამფუძნებელი და სამხატვრო ხელმძღვანელი, ნინელი ჭანკვეტაძე, მერიის განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი, საგანმანათლებლო რესურცენტრის დირექტორი, ელისო შურღაია და თეატრალური სფეროს წარმომადგენლები დაესწრნენ.