Georgian
English
სენაკის მუნიციპალიტეტის მერის მოადგილე, ნანა ზარანდია, ადგილობრივი თვითმმართველობის წარმომადგენლებთან ერთად, დიმიტრი ჯაიანის სახელობის მოსწავლე-ახალგაზრდობისა და კულტურის ცენტრთან არსებული მუნიციპალური ქორეოგრაფიული ანსამბლის სოლო კონცერტს დაესწრო.
კონცერტში მონაწილეობა ასევე მიიღო ზუგდიდის მუნიციპალიტეტის ანსამბლმა ,,ოდოიამ”.
სენაკის მოსწავლე-ახალგაზრდობისა და კულტურის ცენტრთან არსებული ქართული ხალხური ცეკვების მუნიციპალური ანსამბლი, 2024 წელს, სახალხო ქორეოგრაფიულ ანსამბლ ,,კოლხის” ბაზაზე შეიქმნა.
ანსამბლი აქტიურად არის ჩართული ქართული ხალხური ცეკვების პოპულარიზაციის საქმეში, კონცერტებს მართავს საქართველოს სხვადასხვა რეგიონში, მონაწილეობს ფესტივალებსა და კონკურსებში, არის მრავალი კონკურსის გამარჯვებული და არაერთგზის ლაურეატი.
ქობულეთის მუნიციპალიტეტში გამართულ საერთაშორისო კონკურ-ფესტივალზე – ,,ჰარირა“, ქორეოგრაფიული ნომრების საუკეთესო შესრულებისათვის, ანსამბლი მიიწვიეს დუბაის საერთაშორისო კონკურს-ფესტივალზე – ,,კასადა”.
მუნიციპალური ანსამბლი, რომელსაც ქორეოგრაფი გიორგი კორშია ხელმძღვანელობს, აგვისტოში საერთაშორისო ფესტივალზე თურქეთში გაემგზავრება.