Georgian
English
სენაკის მუნიციპალიტეტის მერი ვახტანგ გადელია აფხაზეთიდან იძულებით გადაადგილებულ მოქალაქეებს შეხვდა და მათ საჭიროებებს გაეცნო.
როგორც ვახტანგ გადელიამ ყოფილი სამხედრო ქალაქის დევნილთა დასახლებაში გამართულ შეხვედრაზე აღნიშნა, დევნილთა საცხოვრებელი პირობების გაუმჯობესება ხელისუფლების ერთ-ერთი მთავარი პრიორიტეტია. სენაკის მერის განცხადებით, ცენტრალური ხელისუფლება, აფხაზეთის მთავრობა და ადგილობრივი თვითმმართველობა ყველაფერს აკეთებენ დევნილთა სოციალურ-ეკონომიკური მდგომარეობის გაუმჯობესებისა და დევნილი ახალგაზრდებისთვის სხვადასხვა სერვისებზე ხელმისაწვდომობის უზრუნველსაყოფად.
სენაკის მერთან ერთად შეხვედრას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, სენაკის საკრებულოს თავმჯდომარე საბა ოდიშარია და აფხაზეთის ჯანმრთელობისა და სოციალური დაცვის მინისტრი ბესიკ კუსიდი ესწრებოდნენ.