სენაკის მერი 100% და 70%-იანი გრანტის მფლობელ ახალგაზრდებს შეხვდა

2025 წლის ეროვნულ გამოცდებზე, სტუდენტის სტატუსი 240-მა სენაკელმა ახალგაზრდამ მოიპოვა. მათგან, 100%-იანი დაფინანსების გრანტი საჯარო და კერძო სკოლების 4-მა კურსდამთავრებულმა – მონიკა აბშილავამ, ნიტა ქუთათელაძემ, ცოტნე მილორავამ, ანა ჯოჯუამ.

70%-იანი დაფინანსების გრანტი მოიპოვა 8 კურსდამთავრებულმა: სერგო გულბიანმა, თეკლე დიხამინჯიამ, ელისაბედ მეფიშვილმა, ანა ჟორდანიამ, სალომე ხარებავამ, ლიზი სახოკიამ, ნანა ჩიტაიამ და გიორგი პაპავამ.

50%-იანი დაფინანსების გრანტი მოიპოვა საჯარო და კერძო სკოლების 35-მა კურსდამთავრებულმა.

სენაკის მერიამ ეროვნულ გამოცდებში 100% და 70%-იანი გრანტის მფლობელ წარმატებულ 12 სენაკელ კურსდამთავრებულს ფულადი ჯილდო გადასცა.

,,მოხარული ვარ, რომ აბიტურიენტთა უმრავლესობამ შეძლო სტუდენტის სტატუსის მოპოვება.

გისურვებთ შემოქმედებით, ნაყოფიერ და საინტერესო სტუდენტურ წლებს; წინსვლას ცხოვრების იმ დიდ გზაზე, რომელზეც თქვენი შედეგებით გადადგით პირველი მნიშვნელოვანი ნაბიჯი.

თქვენ დიდი წვლილი უნდა შეიტანოთ ჩვენი მშობლიური ქალაქისა და ქვეყნის წარმატებასა და განვითარებაში“ – აღნიშნა შეხვედრაზე სენაკის მუნიციპალიტეტის მერმა, ვახტანგ გადელიამ.