Georgian
English
სენაკის მუნიციპალიტეტის მერის მოადგილე, ნანა ზარანდია, ტექნოპარკის მწვანე ტექნოლოგიების ბანაკის დახურვის შემაჯამებელ ღონისძიებას დაესწრო.
სენაკის მერიის ფინანსური მხარდაჭერით, მწვანე ტექნოლოგიების ბანაკში მონაწილეობა 8 სენაკელმა ახალგაზრდამ მიიღო, რომელთაც სენაკის მერის მოადგილემ წარმატებები უსურვა და სიმბოლური საჩუქრები გადასცა.
სამეგრელო-ზემო სვანეთის სახელმწიფო რწმუნებულის მოადგილემ, გიორგი ნადარაიამ
ბანაკის მონაწილეებს და ორგანიზატორებს მადლობა გადაუხადა და ახალგაზრდული პროექტების ხელშეწყობაში მხარდაჭერა აღუთქვა.
რეგიონის ახალგაზრდებს ჰქონდათ უნიკალური შესაძლებლობა ემსჯელათ მომავლის ჭკვიან ქალაქზე, ესწავლათ ეკო-მეგობრული ტექნოლოგიები, განევითარებინათ კრიტიკული აზროვნება და გუნდური მუშაობა. დასკვნით ეტაპზე კი წარმოადგინეს ინოვაციური პროტოტიპები. მონაწილე გუნდებს სხვადასხვა საჩუქრები გადაეცათ.
ბანაკი ანაკლიაში საქართველოს ინოვაციების და ტექნოლოგიების სააგენტოს ორგანიზებით და სამეგრელო-ზემო სვანეთის სახელმწიფო რწმუნებულის ადმინისტრაციის, რეგიონში შემავალი ყველა მუნიციპალიტეტის მხარდაჭერით განხორციელდა.