Georgian
English
ახალი სასწავლო წლის დაწყებასთან დაკავშირებით, სენაკის მუნიციპალიტეტის მერი, ვახტანგ გადელია, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრთან, ბესიკ კუსიდთან და მერის მოადგილე ნანა ზარანდიასთან ერთად, თემურ ბოკუჩავას სახელობის აფხაზეთის N7 საჯარო სკოლაში და ქალაქის N5 საბავშვო ბაღში იმყოფებოდა, პედაგოგებს, მოსწავლეებს, აღსაზრდელებსა და მათ მშობლებს, ახალი სასწავლო წლის დაწყება მიულოცა.
,,სენაკის მუნიციპალიტეტში ახალ სასწავლო წელს მნიშვნელოვანი სიახლეებით ვხვდებით: სრულად რეაბილიტირდა 5 საჯარო სკოლა და 12 საბავშვო ბაღი, დავასრულეთ ქალაქის მესამე, ძველი სენაკის, ლეძაძამეს და ფოცხოს საბავშვო ბაღების მშენებლობის მასშტაბური პროექტები.
ხელისუფლების საქმიანობის უმთავრესი პრიორიტეტი სკოლებსა და ბაღებში თანამედროვე სტანდარტების შესაბამისი კეთილმოწყობილი გარემოს შექმნაა, რისთვისაც, როგორც ცენტრალური ხელისუფლების, ისე ადგილობრივი თვითმმართველობის მიერ, მნიშვნელოვანი სიახლეების დანერგვა მიმდინარეობს.
ეს პროცესი სამომავლოდ მეტი ძალისხმევით გაგრძელდება.
კიდევ ერთხელ გულითადად გილოცავთ სასწავლო წლის დაწყებას“ – აღნიშნა მუნიციპალიტეტის მერმა.