სტიქია სენაკში

უხვი ნალექის შედეგად, ქალაქში დაიტბორა საცხოვრებელი სახლების პირველი სართულები, საკარმიდამო ნაკვეთები. დაზიანებულია საავტომობილო გზები, ხიდები.

წვიმამ ადმინისტრაციულ ერთეულებში ზიანი მიაყენა შიდა საავტომობილო გზებს, საკარმიდამო ნაკვეთებს, საცხოვრებელ სახლებს.

მუნიციპალიტეტის სამსახურები გადაყვანილია საგანგებო რეჟიმზე. მობილიზებულია მერიის სამსახურების წარმომადგენლებისგან შემდგარი ჯგუფები, რომლებიც ადგილზე ეხმარებიან მოსახლეობას სტიქიასთან ბრძოლაში. მუშაობს შესაბამისი ტექნიკა.