სტუდენტური პარლამენტის წარმომადგენლობამ ანგარიში წარადგინა

როგორც ღონისძიებაზე სიტყვით გამოსვლისას ვახტანგ გადელიამ აღნიშნა, სახელისუფლებლო გუნდის ერთ-ერთი უმთავრესი მიზანია, ხელი შეუწყოს ახალგაზრდების სრულფასოვანი განვითარებისათვის შესაბამისი გარემოს შექმნას.

,,ახალგაზრდობა ჩვენი ქვეყნისა და მუნიციპალიტეტისთვის განსაკუთრებულ ფასეულობას წარმოადგენს. სახელისუფლებო გუნდის ერთ-ერთი უმთავრესი მიზანია, ხელი შევუწყოთ ახალგაზრდების სრულფასოვანი განვითარებისათვის შესაბამისი გარემოს შექმნას, სადაც ისინი შეძლებენ საკუთარი პოტენციალის სრულად რეალიზებას და საზოგადოებრივი ცხოვრების ყველა სფეროში აქტიურად ჩართვას. შექმნის დღიდან, საქართველოს სტუდენტური პარლამენტის და მთავრობის სენაკის წარმომადგენლობა აქტიურად არის ჩართული ადგილობრივი თვითმმართველობის გადაწყვეტილებების მიღების პროცესში, კულტურულ, ახალგაზრდულ, საგანმანათლებლო და შემეცნებით აქტივობებში. ჩვენთვის ახალგაზრდების ხედვები მნიშვნელოვანია, იმისათვის, რომ მაქსიმალურად სწორად განვსაზღვროთ მომავალი თაობისთვის საჭირო სტრატეგია. სწორედ ამ მიზნით, ჩვენ ვაგრძელებთ შედეგზე ორიენტირებულ კომუნიკაციას ახალგაზრდების საკეთილდღეოდ“, – განაცხადა ვახტანგ გადელიამ.