Georgian
English
სენაკის მუნიციპალიტეტის საკრებულოს ქალთა და ბავშვთა საკითხებზე მომუშავე მუნიციპალური საბჭოსა და სენაკის რაიონული პროკურატურის ორგანიზებით, ქალთა მიმართ ძალადობის წინააღმდეგ 16-დღიანი გლობალური კამპანიის ფარგლებში, ადგილობრივი თვითმმართველობისა და ზოგადსაგანმანათლებლო სფეროს წარმომადგენლებთან შეხვედრა გაიმართა.
შეხვედრის ფარგლებში, სენაკის მუნიციპალიტეტის მერის მოადგილე ნანა ზარანდიამ და საკრებულოს თავმჯდომარის მოადგილე მანანა გვიჩიამ ქალთა მიმართ ძალადობისა და ოჯახში
ძალადობის წინააღმდეგ სახელმწიფოს პოლიტიკისა და საინფორმაციო კამპანიის მნიშვნელობაზე ისაუბრეს.
სენაკის რაიონული პროკურორის მოადგილე თეიმურაზ ჯალაღონიამ შეხვედრის მონაწილეებს მიაწოდა ინფორმაცია ფემიციდის, ქალთა მიმართ ძალადობისა და ოჯახური დანაშაულის წინააღმდეგ პროკურატურის მიერ განხორციელებული ღონისძიებებისა და არსებული გამოწვევების, ასევე, მოწმისა და დაზარალებულის კოორდინატორების სამსახურის შესახებ.
შეხვედრის ფარგლებში, მოეწყო თემატური დოკუმენტური ფილმის ჩვენება.
ფემიციდის წინააღმდეგ
საინფორმაციო კამპანიის მიზანი ქალთა მიმართ და ოჯახში ძალადობის წინააღმდეგ საზოგადოების ცნობიერების ამაღლება და ფემიციდის დანაშაულების პრევენციაა.
მოსწავლე-ახალგაზრდობისა და კულტურის ცენტრში გამართულ საინფორმაციო შეხვედრას სენაკის მუნიციპალიტეტის მერიისა და საკრებულოს წარმომადგენლები დაესწრნენ.