Georgian
English
სენაკის მუნიციპალიტეტის მერი, ვახტანგ გადელია და საკრებულოს თავმჯდომარე, ჯუმბერ ტყებუჩავა მოადგილეებთან ერთად, წმინდა ალექსი შუშანიას სახელობის მართლმადიდებლური სკოლა-გიმნაზიის დაარსების 15 წლის საიუბილეო საღამოს დაესწრნენ.
,,დღეს წმინდა ალექსი შუშანიას სახელობის მართლმადიდებლურ სკოლა-გიმნაზიას დაარსებიდან 15 წელი შეუსრულდა. აღნიშნული პერიოდი გამორჩეული იყო წარმატებებითა და მნიშვნელოვანი მიღწევებით.
მართლმადიდებლურმა სკოლა-გიმნაზიამ ჩვენი ახალგაზრდებისთვის სარწმუნოებისა და ცოდნის მყარი საფუძველი შექმნა, სადაც თითოეულმა მოსწავლემ შეძლო საკუთარი უნარებისა და შესაძლებლობების მაქსიმალურად რეალიზება. სკოლა-გიმნაზიის დირექცია და თითოეული პედაგოგი ჩვენს მომავალ თაობებს უდიდეს გამოცდილებას, ცოდნასა და სიყვარულს უზიარებს.
ვულოცავ საქართველოს კათოლიკოს-პატრიარქის ტახტის მოსაყდრეს, ჩვენს ძვირფას მეუფეს, ჩვენი მუნიციპალიტეტის ერთ-ერთი გამორჩეული საგანმანათლებლო კერის დაფუძნებას და გულწრფელ მადლობას ვუხდი გაწეული ღვაწლისთვის.
გილოცავთ ყველა პედაგოგს, მოსწავლესა და მშობელს და გისურვებთ მრავალ წარმატებულ წელს განათლებისა და სულიერი განვითარების გზაზე,” – აღნიშნა სენაკის მუნიციპალიტეტის მერმა, ვახტანგ გადელიამ.
ღონისძიების დასასრულს, სკოლა-გიმნაზიის მიერ გამოცხადებული კონკურსის, კულტურულ-საგანმანათლებლო პროექტის – ,,წმინდა ალექსი სენაკელის სახელობის სასკოლო პრემიის” გამარჯვებულები დაჯილდოვდნენ.
საღამოს ეპარქიის სასულიერო პირები, ადგილობრივი თვითმმართველობის, საგანმანათლებლო სფეროს და საზოგადოების წარმომადგენლები დაესწრნენ.