,,სენაკი – გმირების ქალაქი”

გამოფენა სენაკის მუნიციპალიტეტის მერმა ვახტანგ გადელიამ და საკრებულოს თავმჯდომარემ ჯუმბერ ტყებუჩავამ, მოადგილეებთან და ადგილობრივი თვითმმართველობის წარმომადგენლებთან ერთად დაათვალიერეს.

კვირეული ეძღვნება საქართველოს ეროვნული გმირების – ჟიული შარტავას 82-ე, გურამ გაბესკირიას 79-ე და გენო ადამიას 90-ე დაბადების თარიღებს. ღონისძიებების ფარგლებში დაგეგმილია ღია გაკვეთილების, თემატური გამოფენების, მხატვრულ-ლიტერატურული კომპოზიციებისა და სპორტული აქტივობების ჩატარება.

კომპლექსური ღონისძიებები დღეს დაიწყო და 8 მარტს, საქართველოს ეროვნული გმირის გენო ადამიას დაბადების დღეს, დასრულდება.

კვირეული სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის ორგანიზებით იმართება.