უფასო სამედიცინო აქცია მოსახლეობისთვის

სამედიცინო სკრინინგის მიმდინარეობას, მუნიციპალიტეტის მერი, ვახტანგ გადელია, მოადგილე ნანა ზარანდიასთან და ადგილობრივი თვითმმართველობის წარმომადგენლებთან ერთად, ადგილზე გაეცნო.

მერის განცხადებით, კიბოს სკრინინგის სახელმწიფო პროგრამის ფარგლებში, ორი დღის განმავლობაში, მოქალაქეებს სრულიად უფასოდ ჩაუტარდათ სხვადასხვა სახის გამოკვლევა. „ჩვენი უმთავრესი პრიორიტეტია მოსახლეობაზე ზრუნვა და მათთვის ხარისხიანი სამედიცინო სერვისების უზრუნველყოფა,“ – აღნიშნა ვახტანგ გადელიამ.

პროგრამის ფარგლებში, მოქალაქეებს, მაღალკვალიფიციური ექიმებისგან სრულიად უფასოდ ჩაუტარდათ ძუძუს, საშვილოსნოს ყელის, მსხვილი ნაწლავისა და პროსტატის კიბოს სკრინინგი.

სამედიცინო აქცია, სენაკის მუნიციპალიტეტის მერიისა და საკრებულოს მხარდაჭერით, საზოგადოებრივი ჯანდაცვის ცენტრის ჩართულობითა და დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით გაიმართა.

სენაკის მუნიციპალიტეტის მერიის ხელშეწყობით, მოსახლეობისთვის, უფასო სამედიცინო გამოკვლევები პერიოდულად ტარდება.