სენაკში დედამიწის დღე აღინიშნა

გამწვანების აქციაში ჩაერთნენ სენაკის მუნიციპალიტეტის მერი, ვახტანგ გადელია, საკრებულოს თავმჯდომარე, ჯუმბერ ტყებუჩავა, მერის მოადგილე, ნანა ზარანდია, სენაკის მერის ახალგაზრდული მრჩეველთა საბჭოს კოორდინატორი, გვანცა მალანია და საბჭოს წევრები.

სენაკის მუნიციპალიტეტის სოფელ ლეძაძამეს საჯარო სკოლის მოსწავლეთა ჩართულობით ჩატარდა ინტეგრირებული პროექტ-გაკვეთილი – ,,ბუნებრივი კატასტროფები და მათი გავლენა ადამიანის ჯანმრთელობაზე”.

ჟიული შარტავას სახელობის მეორე საჯარო სკოლაში გაიმართა ინტელექტუალური თამაში ,,სუპერ მიქსი”, რომელიც დედამიწის დღეს მიეძღვნა.

საგანმანათლებლო რესურსცენტრის ორგანიზებითა და მუნიციპალიტეტის საჯარო და კერძო სკოლების მოსწავლეების ჩართულობით, ველორბოლა მოეწყო.

სენაკის მუნიციპალიტეტის მერიისა და მერის ახალგაზრდული მრჩეველთა საბჭოს პროექტის

„მწვანე თაობა – სენაკის მომავალი“ ფარგლებში, სენაკის მერის მოადგილემ, ნანა ზარანდიამ, საქართველოს დაცული ტერიტორიების სააგენტოს კოლხეთის ეროვნული პარკის დირექტორმა, დავით გრიგოლიამ და ადგილობრივი თვითმმართველობის წარმომადგენლებმა, ესსეების კონკურსში გამარჯვებული ახალგაზრდები დააჯილდოვეს.

სენაკის მერიის ფულადი ჯილდო ასევე გადაეცა მერიისა და ტექნოპარკის ერთობლივ პროექტ ,,ჰაკათონში” გამარჯვებულს.

დასკვნითი აქტივობის ფარგლებში, მოეწყო თემატური ნახატების გამოფენა, გაიმართა პრეზენტაციები.