Georgian
English
სენაკის მუნიციპალიტეტში, წყალდიდობის შედეგად დაზარალებული მოსახლეობის დასახმარებლად, ეზოებისა და საცხოვრებელი სახლების დასუფთავების, ასევე, წყალმოვარდნის შედეგად დაგროვილი შლამის გაწმენდისა და მორეცხვის სამუშაოებში, დილიდან, აქტიურად არიან ჩართულნი მერიის სამსახურების წარმომადგენლებისგან დაკომპლექტებული მოხალისეთა ჯგუფები, საკრებულოს წევრები, მერის წარმომადგენლები ადმინისტრაციულ ერთეულებში, მოქალაქეები.
ადგილზე მობილიზებულია საგანგებო სიტუაციების მართვის სამსახურისა და მუნიციპალიტეტის შესაბამისი ტექნიკა.
ამასთან, მუნიციპალური სამსახურების ბრიგადები, უწყვეტ რეჟიმში, აგრძელებენ სტიქიის შედეგად დაზიანებული ტერიტორიების გაწმენდასა და აღდგენით სამუშაოებს.
სენაკის მუნიციპალიტეტის მერი, ვახტანგ გადელია და საკრებულოს თავმჯდომარე, ჯუმბერ ტყებუჩავა, ადგილობრივი თვითმმართველობისა და მუნიციპალური სამსახურების წარმომადგენლებთან ერთად, მიმდინარე სამუშაოებს კოორდინაციას ადგილზე უწევენ.
სამუშაოები გაგრძელდება მანამ, სანამ სტიქიის შედეგად დაზიანებული თითოეული ლოკაცია სრულად არ მოწესრიგდება და მოსახლეობისთვის უსაფრთხო და მოწესრიგებული გარემო არ იქნება უზრუნველყოფილი.