Georgian
English
ახალი სასწავლო წლის დაწყებასთან დაკავშირებით, სენაკში, ახალგაზრდობის ხეივანში კონცერტი გაიმართა.
ღონისძიებაში ხელოვნებისა და მოსწავლე-ახალგაზრდობის ცენტრების საესტრადო, ქორეოგრაფიული და ფოლკლორული ანსამბლები, ასევე ინდივიდუალური შემსრულებლები მონაწილეობდნენ.
საზეიმო საღამოს სენაკის მუნიციპალიტეტის მერი ვახტანგ გადელია, საკრებულოს თავმჯდომარე ჯუმბერ ტყებუჩავა, მათი მოადგილეები, საგანმანათლებლო რესურსცენტრის უფროსი და ადგილობრივი თვითმმართველობის სხვა წარმომადგენლები ესწრებოდნენ.
კონცერტის ფარგლებში წარმოდგენილი იყო მრავალფეროვანი მუსიკალური, ქორეოგრაფიული და ფოლკლორული ნომრები.
ახალი სასწავლო წლისადმი მიძღვნილი ღონისძიება სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის ორგანიზებით ჩატარდა.