Georgian
English
სენაკის მუნიციპალიტეტის მერის პირველი მოადგილე ბადრი ქუთელია საქართველოს ეროვნულ ბიბლიოთეკაში ებრაული კულტურული მემკვიდრეობის დაცვისადმი მიძღვნილ ღონისძიებას დაესწრო.
ღონისძიება „ისრაელის სახლის“ ორგანიზებით, კულტურული მემკვიდრეობის ევროპული დღეების ფარგლებში გაიმართა.
ღონისძიებას საქართველოს კულტურის მინისტრის მოადგილე ნათია შამათავა, საქართველოში ისრაელის ელჩი ალიდ აბუ ჰაია, ევროპის საბჭოს თბილისის ოფისის ხელმძღვანელი უილიამ მასოლინი, საქართველოში ინდოეთის რესპუბლიკის ელჩი ამით კუმარ მიშრა, „ისრაელის სახლის“ ხელმძღვანელი იციკ მოშე, ისრაელის კულტურის დელეგაციის წევრები, ებრაული თემის წარმომადგენლები და სტუდენტები ესწრებოდნენ.
შეხვედრაზე ყურადღება გამახვილდა ებრაული კულტურული მემკვიდრეობის დაცვის, შესწავლისა და პოპულარიზაციის მნიშვნელობაზე, ასევე საქართველოში სხვადასხვა კულტურის, რელიგიისა და ტრადიციის მრავალსაუკუნოვან თანაარსებობაზე.
„ისრაელის სახლი“ უკვე ათი წელია საქართველოში ევროსაბჭოს მიერ სერტიფიცირებულ ებრაული კულტურული მემკვიდრეობის ევროპულ მარშრუტს წარმოადგენს და აქტიურად მონაწილეობს ებრაული კულტურული მემკვიდრეობის დაცვისა და პოპულარიზაციის მიმართულებით განხორციელებულ საერთაშორისო პროექტებში.