Georgian
English
სენაკის მუნიციპალიტეტის ხელოვნების ცენტრის სამუსიკო სკოლაში, საზაფხულო სკოლის ,,არტ აუდიტორია-2023″ მესამე სეზონის დასრულების დასკვნითი ღონისძიება გაიმართა.
პროექტის მონაწილეების შესაბამისი სიგელებით დაჯილდოების ცერემონიალს, სენაკის მუნიციპალიტეტის მერის მოადგილე, ლევან ელიავა, მუნიციპალიტეტის საკრებულოს სოციალურ საკითხთა კომისიის თავმჯდომარე, ინგა ქარდავა, საკრებულოს წევრი, მაკა ნანეიშვილი, განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი, ხელოვნების ცენტრის დირექტორი, ვეფხვია ვეფხვაძე, თვითმმართველობისა და საზოგადოების წარმომადგენლები ესწრებოდნენ.
მიმდინარე წლის 4 ივლისიდან, ხელოვნების საზაფხულო სკოლაში ჩართული მოსწავლეები, არაფორმალური განათლების მრავალფეროვანი პროგრამის ფარგლებში, ეცნობოდნენ ხელოვნების სხვადასხვა დარგების: სახვითი და გამოყენებითი ხელოვნების, ქორეოგრაფიის, კლასიკური მუსიკის, ფოტოგრაფიის, არქიტექტურის საფუძვლებს, მონაწილეობდნენ შემეცნებით და სპორტულ აქტივობებში.
პროექტი, რომლის მიზანი, საზაფხულო არდადეგების პერიოდში, მოზარდების ინტელექტუალური, შემოქმედებითი და ფიზიკური უნარების განვითარებაა, სენაკის მუნიციპალიტეტის მერიის და საკრებულოს მხარდაჭერით მიმდინარეობს.