ანასტასია ჯანაშია, ,,Youth for Georgia’s Future-ის“ მიერ ორგანიზებული პროგრამის – ,,ლიდერი ახალგაზრდებისთვის, Hagamun-ის“ ფარგლებში, მალაიზიის ახალგაზრდა ელჩი გახდა.

ეს გოგონა, წარმატებული სენაკელი ახალგაზრდა – ანასტასია ჯანაშიაა.

ანასტასია, ,,Youth for Georgia’s Future-ის“ მიერ ორგანიზებული პროგრამის – ,,ლიდერი ახალგაზრდებისთვის, Hagamun-ის“ ფარგლებში, მალაიზიის ახალგაზრდა ელჩი გახდა.

ანასტასია, ახალგაზრდა ელჩის სტატუსით, ჰააგაში, საერთაშორისო კონფერენციის ერთ-ერთი წარმატებული მონაწილე გახლდათ. მისი ავტორობით, მიღებულ იქნა მნიშვნელოვანი რეზოლუცია, ჩართული იყო მოდელირებულ დებატებში და გადაწყვეტილებათა მიღების პროცესებში.

N1 საჯარო სკოლის X კლასის წარჩინებულმა მოსწავლემ, ანასტასია ჯანაშიამ, 2023 წელს ასევე მიიღო მონაწილეობა საფრანგეთის ქალაქ სტრასბურგსა და გერმანიის ქალაქ შტუდგარდში გამართულ გაეროს პროექტში – ,,ლიდერი ახალგაზრდებისთვის.”

15 წლის ანასტასია გახლავთ სენაკის ახალგაზრდული საბჭოს წევრი. ის ასევე მრავალმხრივი ნიჭით გამორჩეული ახალგაზრდაა, ხატავს, ქმნის საინტერესო ხელნაკეთ ნივთებს.

მისი ნამუშევრები, 2022 წელს, პროექტის – ,,ქალთა ეკონომიკური გაძლიერების ხელშეწყობის“ ფარგლებში, სახვითი ხელოვნების გალერეაში გამოიფინა.

ეს ის თაობაა, თავისი ცოდნით და მოტივაციით არაერთხელ რომ ასახელებს მშობლიურ ქალაქს, ჩვენს ქვეყანას და იზრუნებს მის უკეთეს მომავალზე.

ანასტასიას, წარმატებებს, წინსვლას და არაერთი გამარჯვების მოპოვებას ვუსურვებ.

ვახტანგ გადელია
სენაკის მუნიციპალიტეტის მერი