დაუნის საერთაშორისო დღე სენაკში აღინიშნა

,,შეუძლებელია არ გვახსოვდეს და ჩვენი სითბო არ ვუწილადოთ საზოგადოების ყველაზე გულმზიან, სიყვარულის გამორჩეული უნარით დაჯილდოებულ პატარებს, საზოგადოების თანასწორ და სრულფასოვან წევრებს. მსგავსი სიმბოლური თარიღების აღნიშვნა მნიშვნელოვანია ცნობიერების ასამაღლებლად. ჩვენ, ერთად გავუმკლავდებით ყველა სირთულეს“ – აღნიშნა მუნიციპალიტეტის მერმა და მოადგილესთან ერთად, მოზარდების მშობლებს, ,,ავერსის“ სააფთიაქო ქსელის ვაუჩერები გადასცა.

დაუნის სინდრომის მსოფლიო დღეს მიეძღვნა სენაკის მოსწავლე-ახალგაზრდობისა და კულტურის ცენტრში, ადგილობრივი შემოქმედებითი ჯგუფების მონაწილეობით გამართული ღონისძიება, რომლის ფარგლებში, მუნიციპალიტეტში მცხოვრებ დაუნის სინდრომის მქონე მოზარდებს, სიმბოლური საჩუქრები გადაეცათ.

დაუნის სინდრომის საერთაშორისო დღის მნიშვნელობაზე ისაუბრეს და საინტერესო აქტივობებში ჩაერთვნენ სკოლამდელი აღზრდის გაერთიანების საბავშვო და ბაგა-ბაღებში.

სენაკის მუნიციპალიტეტის მერია, მუნიციპალური პროგრამის ფარგლებში, დაუნის სინდრომის მქონე მოზარდებზე ყოველკვარტალურად ფულადი დახმარება გაიცემა. ეს მიზნობრივი ჯგუფი, საჭიროების შემთხვევაში, ასევე უზრუნველყოფილია სხვადასხვა სამედიცინო სარეაბილიტაციო მომსახურეობისა და ამბულატორიული კვლევების დაფინანსებით.