„აწარმოე საქართველოში“

20 ივნისს, 12:00 საათზე, სენაკის მუნიციპალიტეტის მერიის სხდომათა დარბაზში, სსიპ „აწარმოე საქართველოში“ სამეგრელო-ზემო სვანეთის საკონსულტაციო ცენტრის ორგანიზებით და სენაკის მუნიციპალიტეტის მერიის მხარდაჭერით, ადგილობრივი ბიზნეს სექტორის წარმომადგენლებისა და მეწარმეობის მიმართულებით დაინტერესებული პირებისთვის, საინფორმაციო შეხვედრა გაიმართება.

შეხვედრის მონაწილეები მიიღებენ დეტალურ ინფორმაციას სახელმწიფო სერვისებზე, ბიზნესისა და მეწარმეობის მხარდამჭერ სახელმწიფო პროგრამებსა და ინიციატივებზე; ასევე შესაძლებლობა ექნებათ მიიღონ ინდივიდუალური კონსულტაციები.

სააგენტო „აწარმოე საქართველოში“ აქტიურად უწყობს ხელს ქვეყნის ეკონომიკურ ზრდას მიკრო და მცირე მეწარმეების მხარდაჭერის გზით. მისი პრიორიტეტებია ახალი სამუშაო ადგილების შექმნა, კერძო სექტორის კონკურენტუნარიანობის გაზრდა და სამეწარმეო პოტენციალის განვითარება.

დაინტერესებულ პირებს, 20 ივნისს, 12 საათიდან შეგიძლიათ მობრძანდეთ სენაკის მუნიციპალიტეტის მერიაში, შემდეგ მისამართზე: სენაკი, ჭავჭავაძის ქუჩა 103, მესამე სართული, ჟიული შარტავას სახელობის სხდომათა დარბაზი.