Georgian
English
სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის უფროსი გივი მისაბიშვილი ხელოვნების საზაფხულო სკოლის დახურვის ღონისძიებას დაესწრო.
წელს პროექტში 90-მდე მოზარდმა მიიღო მონაწილეობა. პროექტის მონაწილეები 10 დღის განმავლობაში შემეცნებით და საგანმანათლებლო აქტივობებში იყვნენ ჩართული.
სენაკის მუნიციპალიტეტის მერიისა და საკრებულოს მხარდაჭერითა და მუნიციპალიტეტის ხელოვნების ცენტრის ორგანიზებით, არტ პროექტი „ხელოვნების საზაფხულო სკოლა“ უკვე მეხუთე წელია ტარდება.
პროექტის მიზანი მოზარდებში სახელოვნებო დარგების პოპულარიზაცია, ლოგიკური აზროვნების, საკომუნიკაციო, ინტელექტუალური, ფიზიკური და შემოქმედებითი უნარების განვითარების ხელშეწყობაა.