,,გავიცნოთ ჩვენი ქალაქის წარმატებული ახალგაზრდები“

17 წლის სენაკელი მორაგბე, ლუკა შულაია საქართველოს 18-წლამდელთა ნაკრებში გამოიძახეს და დღეს, უმცროს „ბორჯღალოსნებთან“ ერთად,

სამხეთ აფრიკაში, საერთაშორისო სერიაში ასპარეზობს.

მიმდინარე წელს, ლუკა, საქართველოს 18-წლამდე ნაკრების B ლიგის ფინალური სერიების საუკეთესო მოთამაშედ დასახელდა.

ახალგაზრდა მორაგბის პირველი წარმატებული ნაბიჯები სენაკის სასპორტო გაერთიანების სასპორტო სკოლის რაგბის გუნდს ,,ჯიხას” უკავშირდება, სადაც მისი მწვრთნელი იყო მალხაზ კილასონია.

შემდეგ იყო წარმატებული სარაგბო გზა კლუბში ,,სოხუმი” და თბილისის გუნდში ,,ლელო”.

ლუკას არაერთი სპორტული მიღწევა აქვს: არის რესპუბლიკური და საერთაშორისო ტურნირების არაერთგზის გამარჯვებული, რაგბის ფესტივალებისა და მატჩების ,,საუკეთესო მოთამაშის” ტიტულის მფლობელი, ტურნირის ,,საბას თასი“ გამარჯვებული, 15 წლის ასაკში, ქართული რაგბის ლეგენდად აღიარებულ დავით კილასონიას სახელობის რაბგის ფესტივალზე, ის საუკეთესო მბოჭავად დასახელდა.

სენაკელ მორაგბეს, მშობლიური ქალაქისა და ქვეყნის საკეთილდღეოდ, შემდგომ წარმატებებს ვუსურვებთ.