ახალი წლის დღეების ფარგლებში ღონისძიებას დღეს სენაკი უმასპინძლებს.

ამ წუთებში, ქალაქის ცენტრალურ მოედანზე, მოსამზადებელი სამუშაოები მიმდინარეობს, მოწყობილია სცენა.

17:00 საათიდან, ღონისძიებების პატარა სტუმრებს თოვლის ბაბუა დაასაჩუქრებს.

19:00 საათზე, ქალაქის მთავარ მოედანზე, სენაკელების წინაშე წარდგებიან ლიზა ბაგრატიონი, ლელუკა თელია, თეატრალურის კვარტეტი, თბილისური კვარტეტი, ლინდა ადამია და 1/4. საღამოს ნიკოლოზ წულუკიძე გაუძღვება.

საახალწლო ღონისძიებები ასევე მოიცავს საბავშვო აქტივობებს, ზღაპრების გმირების წარმოდგენებსა და მუსიკალურ ნომრებს.

საახალწლო ღონისძიებები კულტურის სამინისტროს და სსიპ ,,შემოქმედებითი საქართველოს” მხარდაჭერით გაიმართება.

შემოგვიერთდით, ერთად შევქმნათ ჯადოსნური განწყობა!