ახალი სასწავლო წლის დაწყებისადმი მიძღვნილი ღონისძიებები

16 სექტემბერს, სენაკის მუნიციპალიტეტის მერიისა და განათლების, კულტურის, სპორტისა და ახალგაზრდობის სამსახურის ორგანიზებით, ახალი სასწავლო წლის დაწყებისადმი მიძღვნილი ღონისძიებები გაიმართება.

ღონისძიებების ფარგლებში:

14:00 საათი – ამფითეატრში, მოსწავლე-ახალგაზრდობისა და კულტურის ცენტრის ბენდი ,,აკუსტიკა” კონცერტს გამართავს. აქტივობის ფარგლებში, მოეწყობა ფოტოზონა;

15:00 საათი – ხელოვნების ცენტრის სამუსიკო სკოლის სულხან ცინცაძის სახელობის საკონცერტო დარბაზში ჩატარდება საზეიმო კონცერტი;

19:00 საათი – აკაკი ხორავას სახელობის სახელმწიფო დრამატულ თეატრში გაიმართება თემატური საღამო და განათლების, სკოლამდელი აღზრდის, ხელოვნებისა და სპორტის სფეროებში მოღვაწე იმ პედაგოგების დაჯილდოების ცერემონია, რომელთაც 2023-2024 სასწავლო წელს გამორჩეულ წარმატებას მიაღწიეს.

საღამოს სცენარის ავტორი და რეჟისორი – ვახტანგ ნიკოლავა;

დასწრება თავისუფალია.