დღეს შეზღუდული შესაძლებლობის მქონე პირთა საერთაშორისო დღეა.

დღეს შეზღუდული შესაძლებლობის მქონე პირთა საერთაშორისო დღეა.

შეზღუდული შესაძლებლობის მქონე პირთა უფლებების დაცვის გაუმჯობესება და ყველასათვის თანასწორ შესაძლებლობათა უზრუნველყოფა სენაკის ადგილობრივი თვითმმართველობის საქმიანობის ერთ-ერთი უმნიშვნელოვანესი პრიორიტეტია.

მიმდინარე წელს, ჯანმრთელობისა და სოციალური დაცვის პროგრამებით, 500-ზე მეტ შეზღუდული შესაძლებლობის მქონე პირს გაეწია დახმარება, ბიუჯეტმა კი 385 000 ლარი შეადგინა.

სენაკის მუნიციპალიტეტის მერია, ჯანმრთელობისა და სოციალური დაცვის პროგრამების ფარგლებში, შეზღუდული შესაძლებლობის მქონე პირებისთვის, ახორციელებს:

სამკურნალო-სარეაბილიტაციო მკურნალობის დაფინანსებას;

მაღალტექნოლოგიური კვლევების თანადაფინანსებას (მაგნიტო-რეზონანსული ტომოგრაფია; კომპიუტერული ტომოგრაფია; პოზიტრონულ-ემისიური კომპიუტერული ტომოგრაფია);

მკურნალობისათვის საჭირო მედიკამენტების, სამედიცინო სახარჯი მასალებისა და ჰიგიენური საშუალებების დაფინანსებას;

შეზღუდული შესაძლებლობების მქონე პირთა ყოველთვიურ ფინანსურ დახმარებას, რომლის სამიზნე ჯგუფია – დაუნის სინდრომის, ცერებრული დამბლის, აუტიზმის, მხედველობის პრობლემის მქონე, სმენადაქვეითებული შეზღუდული შესაძლებლობების მქონე პირები;

შშმ პირთა მხარდაჭერაზე ორიენტირებული პროექტების დაფინანსება/თანადაფინანსებას: კერძოდ – დღის ცენტრ ა(ა)იპ „ლაზარე 2015-ის“ თანადაფინანსების პროგრამას;

შშმ პირები, საჭიროების შემთხვევაში, უზრუნველყოფილი არიან ყოველდღიური საკვებით;

პროექტის „ვიზრუნოთ უფროს თაობაზე“ ფარგლებში, სენაკის მერია ახორციელებს მარტოხელა და მარტო მცხოვრები შშმ პირებისათვის შინმომსახურების სერვისის მიწოდებას;

მიმდინარე წელს, სენაკის მუნიციპალიტეტში ამოქმედდა სახელმწიფო პროგრამა – პერსონალური ასისტენტის სერვისი შშმ პირებისთვის;

2024 წელს, სენაკის მუნიციპალიტეტში, დაინერგა აუტიზმის სპექტრის დარღვევის მქონე ბავშვთა რეაბილიტაციის პროგრამა; ამ ეტაპზე პროგრამით 40 მოზარდი სარგებლობს. 2026 წლისათვის, პროგრამაში დამატებით 10 მოზარდი ჩაერთვება და პროგრამის ბიუჯეტიც 210 000 ლარამდე გაიზრდება.

სენაკის მერიამ დააფინანსა პროექტი – „საჭიროების მქონე ბავშვებისათვის ADOS -ის კვლევის დანერგვა მუნიციპალიტეტში“, რომლის ფარგლებში, არა მარტო სენაკის მუნიციპალიტეტის, არამედ მთელი სამეგრელოს მასშტაბით, რისკის მქონე მოზარდებისთვის, ხელმისაწვდომი გახდა ADOS -ის კვლევის ადგილზე ჩატარება, დიაგნოზის დროული დასმა და მკურნალობა/რეაბილიტაციის დაწყება.