სენაკის მუნიციპალიტეტის სოციალური პროგრამების ბიუჯეტი, გასულ წელთან შედარებით, 13,6 %-ით გაიზარდა და 1 827 600 ლარს შეადგენს.

სენაკის მუნიციპალიტეტის სოციალური პროგრამების ბიუჯეტი, გასულ წელთან შედარებით, 13,6 %-ით გაიზარდა და 1 827 600 ლარს შეადგენს.

გაიზარდა შემდეგი სოციალური პროგრამების დაფინანსება:

აუტიზმის სპექტრის დარღვევის მქონე ბავშვთა რეაბილიტაცია – 28, 8 %-ით;

თირკმლის ჩანაცვლებით თერაპიაზე მყოფი მოქალაქეების დახმარება – 1,5 %-ით;

განსაკუთრებული საჭიროების მქონე პირთა დახმარება – 4.4 %-ით;

ხანძრის შედეგად დაზარალებული მოქალაქეების დახმარება- 48, 1 %-ით;

ბავშვზე ზრუნვა – 16, 1 %-ით;

სარიტუალო მომსახურება – 63, 2 %-ით;

სოციალური ღონისძიებები – 32, 5 %-ით;

სოციალურად დაუცველი მოსწავლეების სასკოლო ნივთებით უზრუნველყოფა – 198 %-ით;

მზრუნველობამოკლებულთა კვებით უზრუნველყოფა – 7, 2 %-ით;

სოციალური ადაპტაციისა და ძალადობის მსხვერპლთა დაცვა – 5, 3 %-ით;

ასევე, ხორციელდება სოციალურად დაუცველი ოჯახების საცხოვრებელი პირობების გაუმჯობესების პროგრამა, რომლის ბიუჯეტი 11,3 %-ით გაიზარდა.

აღნიშნული პროგრამა 2024 წელს დაინერგა და იმავე წელს, 106 690 ლარის ფარგლებში, განხორციელდა 5 სოციალურად დაუცველი და 2 მრავალშვილიანი ოჯახის საკუთრებაში არსებული საცხოვრებელი სახლების დაზიანებული სახურავების სრული რეაბილიტაცია.

2025 წელს კი, 136 730 ლარის ფარგლებში, სრულად რეაბილიტირდა 9 ოჯახის საცხოვრებელი სახლის დაზიანებული სახურავები.

2025 წელს დაინერგა შშმ პირთა პერსონალური ასისტენტის მომსახურებით უზრუნველყოფის სახელმწიფო პროგრამა, რომლის ბიუჯეტი, 2026 წელს, 121 600 ლარს შეადგენს.

სენაკის მერია 16 სოციალურ პროგრამას ახორციელებს. გაზრდილი დაფინანსება კი სენაკის მუნიციპალიტეტს შესაძლებლობას აძლევს, კიდევ უფრო განავითაროს სოციალური დაცვის მიმართულება, გააძლიეროს საჭიროების მქონე მოქალაქეების მხარდაჭერა და მუნიციპალიტეტის მასშტაბით გააუმჯობესოს სოციალური სერვისების ხელმისაწვდომობა.