Georgian
English
რუბრიკის – ,,გავიცნოთ ჩვენი ქალაქის წარმატებული ახალგაზრდები“ ფარგლებში, სენაკის სასპორტო გაერთიანების სასპორტო სკოლის მოსწავლეს, 11 წლის სპორტსმენს, დავით სანაიას გაგაცნობთ.
მიმდინარე წელს, დავითმა, ტაეკვანდოში საერთაშორისო ჩემპიონატზე, ბრინჯაოს მედალი მოიპოვა. აღნიშნულ ტურნირში მონაწილეობა სხვადასხვა ასაკობრივი კატეგორიის 7 ქვეყნის ნაკრებმა მიიღო.
2024 წელს, დავითი, ტაეკვანდოში საქართველოს ეროვნული ჩემპიონატის ბრინჯაოს მედლის მფლობელი გახდა. 9 წლის ასაკში კი – საქართველოს ეროვნული ჩემპიონატის ვიცე-ჩემპიონი ტაეკვანდოში.
დავითი არის მუნიციპალური, რესპუბლიკური და საერთაშორისო ტურნირებისა და ჩემპიონატების გამარჯვებული.
დავით სანაიას მწვრთნელებია ტიტულოვანი სპორტსმენები: ელისო გურგენაძე და მორის სანაია.