,,გავიცნოთ ჩვენი ქალაქის წარმატებული ახალგაზრდები“ – სიდონია ჭანტურია

სამუსიკო სკოლის საფორტეპიანო განყოფილების წარჩინებული მოსწავლის მუსიკალურ კარიერაში ახალი ეტაპი დაიწყო: სიდონია სწავლას აგრძელებს გიორგი მთაწმინდელის სახელობის გალობის უნივერსიტეტში, ქართული ტრადიციული მუსიკის მიმართულებით.

მრავალმხრივი ნიჭით გამორჩეული ახალგაზრდის პირველი წარმატებული დებიუტი სცენაზე ღვაწლმოსილ და დამსახურებულ პედაგოგს, რუსუდან მილიუტინს უკავშირდება.

მსოფლიოში აღიარებული პიანისტის, ვალერიან შიუკაშვილის ორგანიზებით გამართულ მუსიკალურ ფესტივალ-კონკურსზე მოპოვებული აღიარების შემდეგ, სიდონიამ, ასევე წარჩინებით დაამთავრა ბათუმის ზაქარია ფალიაშვილის სახელობის სამუსიკო სასწავლებელი.

სიდონია ჭანტურიას არაერთი მიღწევა და ტიტული აქვს მოპოვებული: ის, მუნიციპალური, რეგიონული, რესპუბლიკური და საერთაშორისო კონკურსების, ფესტივალების მრავალგზის ლაურეატია, საქართველოს ბავშვთა და ახალგაზრდული საგუნდო კოლექტივების პირველი და მეოთხე ეროვნული კონკურსებისა და ეროვნული ფესტივალ-კონკურსის ,,მომავლის ვარსკვლავები“ გამარჯვებული.