,,გავიცნოთ ჩვენი ქალაქის წარმატებული ახალგაზრდები“

რუბრიკის – ,,გავიცნოთ ჩვენი ქალაქის წარმატებული ახალგაზრდები“ ფარგლებში, 3X3 კალათბურთში საქართველოს ჩემპიონებს, წარმატებულ სენაკელ სპორტსმენებს – საბა მოსიძეს, ილია ჭანტურიას, ვალერი პაპასკირს და სანდრო სანაიას გაგაცნობთ.

მათ, სასკოლო სპორტულ ოლიმპიადაზე, ჟიული შარტავას სახელობის მეორე საჯარო სკოლის გუნდის სახელით იასპარეზეს: ჯერ სამეგრელოს, შემდეგ – დასავლეთ საქართველოს და დასკვნით შეხვედრაზე, საქართველოს ჩემპიონის ტიტულები მოიპოვეს.

სასკოლო სპორტული ოლიმპიადა 2025-ის ფარგლებში, ვაჟებს შორის 3X3 კალათბურთის საუკეთესო მოთამაშედ საბა მოსიძე დასახელდა.

სპორტის განვითარებისა და პოპულარიზაციის, წარმატებული სპორტსმენების წახალისების მუნიციპალური პროგრამის ფარგლებში, სენაკის მერიამ ჩემპიონებს ფულადი ჯილდოები გადასცა.

სასკოლო სპორტული ოლიმპიადა საქართველოს სპორტის, განათლების, მეცნიერებისა და ახალგაზრდობის სამინისტროების და საქართველოს ეროვნული ოლიმპიური კომიტეტის მხარდაჭერით იმართება.

ვულოცავთ სენაკს, მეორე საჯარო სკოლას, გუნდის თითოეულ წევრს, პედაგოგს – ცოტნე ჯღამაძეს, კალათბურთელთა გუნდების მწვრთნელს – შოთა კუჭავას ჩემპიონის ტიტულის მოპოვებას.