,,გავიცნოთ ჩვენი ქალაქის წარმატებული ახალგაზრდები“ – ეკატერინე კოკაია

რუბრიკის – ,,გავიცნოთ ჩვენი ქალაქის წარმატებული ახალგაზრდები“ ფარგლებში, 16 წლის წარმატებულ სენაკელ ახალგაზრდას, ეკატერინე კოკაიას გაგაცნობთ:

სენაკის მუნიციპალიტეტის ხელოვნების ცენტრის სამუსიკო სკოლის საფორტეპიანო განყოფილების წარჩინებული კურსდამთავრებულის მუსიკალურ კარიერაში ახალი ეტაპი დაიწყო: ეკატერინე ქუთაისის მელიტონ ბალანჩივაძის სახელობის ცენტრალური სამუსიკო სასწავლებლის საფორტეპიანო განყოფილების სტუდენტი გახდა.

ეკატერინეს პედაგოგია დამსახურებული მასწავლებელი, რუსუდან მილიუტინი.

16 წლის ასაკში, ეკატერინე კოკაია, არაერთი საპატიო ტიტულის მფლობელია: არის კლარა კოდუას ხსოვნისადმი მიძღვნილი ეტიუდების კონკურსის პირველი და მეორე ხარისხის დიპლომების მფლობელი, საგუნდო კოლექტივების ეროვნული კონკურსის ორგზის ლაურეატი, პირველი და მეორე ადგილების მფლობელი, ქართული კლასიკური მუსიკის კონკურსის მესამე ადგილოსანი, არაერთი კონკურსისა და ფესტივალის, მათ შორის, „მომავლის ვარსკვლავების“, „პატარა ვირტუოზის“, ,,ჯადოსნური ხმების“, ,,ხელოვანი – მომავლისთვის“, ,,არტ. ფესტის“ ლაურეატი.