,,გაიგე, რა გაკეთდა შენს მუნიციპალიტეტში“ – გეჯეთის ადმინისტრაციული ერთეული

ამ ეტაპზე, გზების მშენებლობა-რეაბილიტაციის პროექტების ფარგლებში, გეჯეთის ადმინისტრაციული ერთეულის საჯღამაიოს უბანში, მიმდინარეობს საგზაო ინფრასტრუქტურის მოწყობა-რეაბილიტაციის სამუშაოები, ღირებულებით – 592 377 ლარი. პროექტი საქართველოს რეგიონებში განსახორციელებელი პროექტების ფონდის დაფინანსებითა და მუნიციპალიტეტის მერიის თანადაფინანსებით ხორციელდება.

უახლოეს პერიოდში, ,,სოფლის მხარდაჭერის პროგრამის“ ფარგლებში, მოსახლეობასთან კონსულტაციებითა და სოფლის კრებებზე მიღებული გადაწყვეტილებით, რეაბილიტირდება გეჯეთის ადმინისტრაციული ერთეულის ბიბლიოთეკის შენობა და კეთილმოეწყობა ბიბლიოთეკის ეზო. სამუშაოების საერთო ღირებულება 16 000 ლარს შეადგენს.

რაც შეეხება 2022-2024 წლებში განხორციელებულ პროექტებს: 2024 წელს, საქართველოს რეგიონებში განსახორციელებელი პროექტების ფონდის დაფინანსებითა და მუნიციპალიტეტის მერიის თანადაფინანსებით, სრულად რეაბილიტირდა საკუპრეიშვილოს შიდა საუბნო გზა, ღირებულებით – 397 649 ლარი. გეჯეთის ადმინისტრაციული ერთეულიდან მარტვილის მუნიციპალიტეტის მიმართულებით, მოეწყო საგზაო ინფრასტრუქტურა. პროექტის ღირებულებამ 628 977 ლარი შეადგინა.

2024 წელს, ,,სოფლის მხარდაჭერის პროგრამის“ ფარგლებში, საჯღამაიო-სახოკიოს უბანში, კეთილმოეწყო სოფლის სასაფლაოს ტერიტორია და დამონატჟდა გარე განათების სისტემა, ღირებულებით – 16 000 ლარი. 2023 წელს – მოწესრიგდა სანიაღვრე სისტემა. სამუშაოების ღირებულებამ 16 000 ლარი შეადგინა. 2022 წელს, აღნიშნული პროგრამით, რეაბილიტირდა შინმოუსვლელთა მემორიალი, ღირებულებით – 10 000 ლარი, ნაწილობრივი რეაბილიტაცია ჩაუტარდა გეჯეთის საბავშვო ბაღს. სამუშაოების ღირებულებამ 6 000 ლარი შეადგინა.

სტიქიის სალიკვიდაციო ღონისძიებების ფარგლებში, 2023 წელს, რეაბილიტირდა გეჯეთის სამედიცინო ამბულატორიისა და ადმინისტრაციული შენობების სახურავები. სამუშაოების საერთო ღირებულებამ 6 500 ლარი შეადგინა.